दिवंगत स्थविर शाक्यया लुमन्तिइ बिचाफ मुँज्या

येँ- श्री धर्म लगं तःधं गुथि खलःपाखें दिवंगत स्थविर (थाय्पा) प्रमेबहादुर शाक्यया लुमन्तिइ विचाः मुँज्यानापं सहलह मुँज्या जुल । प्यसः दँ पुलांगु धयातःगु खलःपाखें मदुम्ह स्थाविर शाक्यया लमुन्तिइ उगु विचाः मुँज्या याःु खः ।

खलःया नायः शान्तरत्न शाक्यया सभापतित्वय् मदुम्ह स्थविर शाक्यया किपाय् स्वां देछासे छगू मिनेट मौन धारण नं याःगु खः । मरणानुस्मृति गाथा पाठ याःगु ज्याझ्वलय् सहलह मुँज्या नं जूगु खः ।

मुँज्याय् थगुने विश्वन्यंकं महामारी न्यना वनाच्वंगु कोरोना भाइरसं खलःयात नं लाकूगु लिच्वःयात कयाः सहलह जूगु खः । लिसें थुगु दँय् नं कोरोना सामान्य अवस्थाय् लिहां वयेधुंकूगु व थुगु ल्वय्या खोप नं पिहां वयेधुंकूगु स्थितिइ हाकनं कोरोनाया निगूगु लहर खने दुगु खँय् नं चिउताः प्वंकूगु खः ।
खोप वयेधुंकूगु अवस्थाय् नेवाःतय् तःजिगु पाहांचः¥हे, जनबहाःद्यःया जात्रा, बुंगद्यःया जात्रा, बिस्काः जात्रा लगायत थीथी नखःचखः, जात्रापर्व न्यायेकेगु धइगु बुखँ वःगु सम्बन्धय् नं सचेत जुइमाःगु आवश्यक तायेकूगु दु ।

थज्याःगु नखःचखः, जात्रा पर्व तःजिक न्यायेकेगु मयासे म्हो जक मनूतय् उपस्थितिइ गथे यानाः न्यायेकेमाली धइगु खँय् नं सहलह जूगु खः ।

थ्व हे झ्वलय् जनबहाः द्यःया खः सालीगु इलय् लगं त्वालय् च्याकेगु याना वयाच्वंगु चाकःमतयात चीधंगु जक रुप बियाः क्वचायेकेगु, तुतः ब्वनेगु, भ्वय् मन्यायेकेगु मुँज्यां निर्णय याःगु दु ।

सम्बन्धित बुखँ

LEAVE YOUR COMMENTS