इतुंबाहाः संरक्षण समाजय् न्हूगु ज्यासना पुचः
येँ – श्री भाष्करदेव संस्कारित केशचन्द्रकृत पारावत् महाविहार इतुंबाहाः संरक्षण समाजया झिँखुक्वःगु साधारण सभां न्हूगु ज्यासना पुचः ल्यःगु दु ।
प्रज्ञारत्न शाक्यया अध्यक्षता नीस्वंगु न्हूगु ज्यासना पुचलय् रमेश शाक्य उपाध्यक्ष, रत्नसम्भव शाक्य सचिव व रुपकुमार शाक्य कोषाध्यक्ष जुयादीगु दु । अथेहे दुजलय् स्थविर सानुबाबु शाक्य, सुन्दरमान शाक्य, भगवान शाक्य, मन्जिव शाक्य, प्रजित शाक्य व मणिरत्न शाक्य च्वनादीगु दु । ज्यासना पुचःया सकलें पदाधिकारी व दुजःपिं निर्विरोध ल्यःगु खः । अथेहे निवर्तमान नायः क्या. चन्द्रबहादुर शाक्य व उपाध्यक्ष स्वस्तिरत्न शाक्ययात सल्लाहकारय् ल्यःगु दु ।
इतुंबाहाः संरक्षण समाजया न्हूम्ह नायः प्रज्ञारत्न शाक्यं महाविहारया क्रियाकलापत व्यवस्थित यायेगु ज्या यासें थःगु न्हापांगु प्राथमिकता इतुंबहाः सङ्ग्रहालयया स्थापना खः धयादिल ।
LEAVE YOUR COMMENTS