नेवाः देय् दबूयात नेवाः अधिकार सिरपाः

येँ (नेपालभाषा टाइम्स)- नेवाः जातिया राजनीतिक, सांस्कृतिक अधिकार कायेगु लागिं वंगु निगूत्या दशक न्ह्यवंनिसें आन्दोलन याना वयाच्वंगु नेवाःतय् राष्ट्रिय संस्था नेवाः देय् दबूयात थुगु दँया ‘नेवाः अधिकार सिरपाः’ बीगु जूगु दु । थ्वहे वइगु बछलागा १४ (जेठ १५ गते) छगू ज्याझ्वःया दथुइ थ्व सिरपाः लःल्हाइ । नेवाः अधिकार सिरपाः न्यय्द्वः तका धनराशीया खः ।