छेँय् छेँय् रञ्जना लिपि

येँ (नेपालभाषा टाइम्स)- सुयां नं छेँय् आः रञ्जना लिपिं नांग्वरः तयेमाःसा वा रञ्जना लिपिं छुं च्वके माःसा अःपुक व दंक दयेका बीगु लागिं छगू पुचः न्ह्यःने वःगु दु । रञ्जना लिपियात छेँय् छेँय् थ्यंकेगु ताः तयाः न्ह्याकूगु अभियानय् न्ह्याम्ह नं सहभागी जुइ फइ ।

अभियानया दुजः अमर तुलाधरं कनादीकथं सुना नं थःत माःगु आखः च्वयाः इन्टरनेटया  https://mybiznepal.com/ranjanalipi  एड्रेसपाखें अर्डर याना हल धाःसा थःपिंसं डिजाइन यानाः ४ इन्च बाइ ८ इन्चया पाता प्रिन्ट याना बी । उकिया मू १२० तका तयातःगु दु । रञ्जना लिपियात प्रचार प्रसार यायेगु लागिं थीथी खलः पुचः व व्यक्तितय्सं याना वयाच्वंगु ज्यायात हे तिबः कथं थःपिंसं थ्व अभियान न्ह्याकागु खँ नं तुलाधरं कनादीगु दु ।

सम्बन्धित बुखँ

LEAVE YOUR COMMENTS