
येँ -देशय् दकलय् अप्वः मोबाइल फोन चले जुइगु स्वनिगः दुने हे मोबाइलया गुणस्तर बांमलाःगु खँ सीदुगु दु । स्वनिगःया मोबाइलया गुणस्तर जाँच यायेत नेपाल दूरसञ्चार प्राधिकरणं याःगु परीक्षणपाखें थ्व खँ पत्ता लगे जूगु खः ।
स्वनिगः दुने चले जुइगु नेपाल टेलिकम, एनसेल व स्मार्ट टेलिकम यानाः स्वंगू सेवाया मोबाइल गुणस्तर प्राधिकरणं परीक्षण याःगु खः । मोबाइलं कल यायेबलय् ५ सेकेण्डया दुने कल लगे जुइमाः धइगु मापदण्ड प्राधिकरणं निर्धारण यानातःगु दु । तर थ्व स्वंगू सेवा प्रदायक मध्ये छगुलिं हे थुगु मापदण्ड पूवंके मफु । एनसेलया कल औसत ६.४४ सेकेण्ड दुने लगे जुयाच्वंगु दुसा नेपाल टेलिकमया कल ९.५९ सेकेण्ड दुने लगे जुइ । अथे हे मास्र्ट टेलिकमया कल १२.१७ सेकेण्डं जक लगे जुइ ।
अथे हे टेलिकमं कल लगे जुइगु सफलताया दर ९९ प्रतिशत जुइमाः धकाः तोकडे याना तःसां एनसेलया कल सफलताया दर ९६.१५ प्रतिशत दुसा नेपाल टेलिकमया सफलताया दर ७७.४२ प्रतिशत जक दु । स्मार्ट टेलिकमया सफलताया दर ८२.७६ प्रतिशत दु ।
LEAVE YOUR COMMENTS