बालसेवाय् पूर्व प्रअपाखें स्मृति कोष थापना

येँ -थनया न्हूसाः त्वालय् च्वंगु बालसेवा माध्यमिक विद्यालयया पुलांम्ह प्रधानाध्यापक कृष्णभक्त मानन्धरं व वय्कःया छेँजःपिंसं स्मृति कोष स्वनादीगु दु । पुलांम्ह प्रअ मानन्धर व वय्कःया छेँजःपिंसं ब्वनेकुथिया ग्वाहालिया निंतिं स्वंगू लख दांया कोष स्वनादीगु खः ।

ब्वनेकुथिया ग्वाहालिया निंतिं स्वंगू लख दांया मदुम्ह सानु मानन्धर व वय्कः जहान मदुम्ह चन्द्रमाया मानन्धर स्मृति कोष स्वनादीगु खः । पुलांम्ह प्रअ मानन्धरं कोषया दां प्रधानाध्यापक दीपकप्रसाद दाहालयात लःल्हानादीगु खः ।

अथे हे विद्यालय व्यवस्थापन समितिया दुजः रामप्रसाद मानन्धरं ब्वनेकुथिया मस्तय्त न्हिनसिया खाजा व्यवस्थापनया निंतिं आर्थिक ग्वाहालि यानादीगु दु । स्थानीयवासी मानन्धरं ब्वनेकुथिया ब्वँमिपिंत दिवा खाजा व्यवस्थापनया निंतिं न्यय्द्वः तका दां ग्वाहालि यानादीगु खःसा उगु आर्थिक ग्वाहालि विद्यालयय् प्रअ दाहालयात लःल्हानादीगु खः ।