किपुलिइ शहीद राराहिलयात लुमंकाः मौन र्याली
किपू – २०४६ सालया जनआन्दोलनय् किपुलिइ छन्हुं हे सहादत प्राप्त याःपिं प्यम्ह शहीदपिं राजमान माली, राजेन्द्र महर्जन, हिराकाजी महर्जन व लनबहादुर महर्जन ‘राराहिल’ यात लुमंकाः म्हिगः सुथय् किपुली छगू तःजिगु मौन र्याली जुल ।
र्यालीइ नेपाल प्रहरी, स्काउट, थीथी विद्यालयया विद्यार्थी, किपूया सहकारी संस्थात नं थःथःगु ब्यानर सहित सहभागी जूगु खः । किपुलिइ २०४६ सालया चैत २० गते पंचायती प्रहरीया गोलीं लानाः मदुपिं थ्व प्यम्ह शहीदपिनि लुमन्तिइ दँय्दसं र्याली व सभा यानाः शहीद दिवस हना वयाच्वंगु खः । शहीद दिवसया झ्वलय् जूगु मौन र्याली किपू नगर चाःहिलाः लायकू थ्यंकाः सभाय् हिउगु खः । ज्याझ्वलय् थीथी राजनीतिक पार्टीया प्रतिनिधि व किपू नगरपालिकाया मेयर रमेश महर्जनं सम्बोधन यानादीगु खः । थ्वहे झ्वलय् इन्द्रेणी सांस्कृतिक समाजं नं दँय्दसं थें थीथी सांस्कृतिक ज्याझ्वः यानाः २०४६ सालया सहीदतय्त लुमंकूगु दु ।
LEAVE YOUR COMMENTS