प्यद्वाः लुखा व गुफ्वः ताःफ्वः स्यंकाः बालकुमारी द्यः खुयायंकल

यल- यलया सुनागू (सुनाकोठी)इ च्वंगु बालकुमारी द्यः खुयायंकूगु दु । आइतवाः सुथय् खुयायंकूगु उगु द्यः लिच्छवीकालिन जूगु खँ धाःगु दु । प्यद्वाः लुखा व गुफ्वः ताःचाः स्यंकाः उगु द्यः खुयायंकूगु खँ धाःगु दु ।

यलया प्रमुख जिल्ल अधिकारी घनश्याम उपाध्यायं आइतवाः सुथय् ३–४ बजे पाखे द्यः खुयायंकूगु खनेदुगु जानकारी बियादीगु दु ।

स्थानीयतय्सं द्यः खुयायंकूगु खबर बीवं ऊर्जा, जलस्रोत तथा सिँचाइ मन्त्री पम्फा भुसाल, बागमति प्रदेशसभा दुजः राजकाजी महर्जन, प्रजिअ उपाध्याय व प्रहरी देगलय् वनाः स्वःवंगु खः । मन्त्री भुसाल न्यासः खुसः दँ पुलांगु द्यः खुयायंकूगु तसकं दुःखद् धासें द्यः खुयायंकूपिंत तुरुन्त मालेत प्रहरीयात निर्देशन बियादीगु दु ।