थौं जनबहाःद्यःया न्हवं

येँ – थनया जनबहालय् थौं जनबहाःद्यःया न्हवं जुइत्यंगु दु । दँय्दसं थौंया न्हि जनबहाःद्यःयात थीथी पवित्र पदार्थं म्वः ल्हुकाः न्हवं याइगु परम्परा दु । न्हवं यायेगु लागिं थनया भचाखुसिं लः कया हयेमाःगु चलन दु । उकिया लागिं म्हिगः भचा खुसिइ वनाः घलय् तयाः लः कया हःगु खः । द्यःयात थ्वहे लखं म्वः ल्हुकाः न्हवं याइगु खः । थुकिया नापनापं दुरु, घ्यः, कस्ति थेंज्याःगु ज्वलंपाखें नं न्हवं याकी ।

जनबहाःद्यःया न्हवं स्वयेगु लागिं येँया लाय्कू कुमारी नं बिज्याकीगु चलन दु । थौं न्हवं याये धुनेवं कन्हय् द्यःयात निभाः पाकेगु व वयां लिपा लंपुं छायेगु ज्या जुइ । थ्वयां लिपा जनबहाःद्यःया रथयात्राया ज्याखँत न्ह्याकी ।

जनबहाःद्यःया न्हवं जुइबलय् वा वइगु अथवा मौसम तसकं ख्वाउँसे च्वना वनी धइगु जनविश्वास दु ।

सम्बन्धित बुखँ

LEAVE YOUR COMMENTS