नेपालभाषा विषयबारे मनपाया अनुगमन

येँ- येँ महानगरपालिकान्यंकंया स्कुलय् थगुनेनिसें नेपालभाषाया माध्यमं ब्वंकेगु शुरु याःगु स्थानीय विषयया पढाइ गय् गथे जुयाच्वन धकाः स्वयेत मनपाया शिक्षा विभागं अनुगमन शुरु याःगु दु । थुकिया लागिं मनपां गठन यानातःगु अनुगमन व सहजीकरण समितिपाखें थ्व अनुगमनया ज्या याःगु खः । समितिपाखें छुं स्कुलय् थ्व विषय मब्वंकूनिगु खःसा ब्वंके बीगु लागिं माःगु सहजीकरण याना बीगु खँ धाःगु दु । अनुगमनया झ्वलय् आपालं स्कुलय् नेपालभाषाया माध्यमं विषय ब्वंकाच्वंगु लूगु खँ नं धाःगु दु ।