बोस्टनय् विश्व नेवाः दिवस

येँ – विश्व नेवाः सम्मेलनया लसताय् अमेरिकाया बोस्टनय् नं नेवाः दिवस न्यायेकल । नेवाः अर्गनाइजेशन अफ न्यू इंग्ल्याण्डया ग्वसालय् अल चङर्टन सेन्टरय् नेवाः दिवस हनेगु ज्या जूगु खः । ज्याझ्वलय् अर्गनाइजेशनया न्वकु संजीव तुलाधर व छ्यांज्ये समन्तश्री बज्राचार्यं नेवाः जातिया कला, संस्कृति व नेवाः दिवस बारे कनादीगु खः ।सहप्राध्यापक प्रेमहिरा तुलाधरं अर्गनाइजेशनया २५ म्हं दुजःपिंत प्रचलित नेवाः लिपि स्यनादिल । थ्व लिपि कक्षा मेगु वालय् नं जुइ ।