असनय् उदाय् समाज मिसा पुचःया स्वन्ति व्यापार मेला
येँ (नेपालभाषा टाइम्स)÷ उदाय् समाज मिसा पुचःया ग्वसालय् थनया असं बजारय् स्वन्ति नखःया निंतिं स्वन्ति व्यापार मेला याःगु दु ।
उदाय् मिसापिं नं व्यापारया ख्यलय् च्वन्ह्याः वनाः आर्थिक पक्षयात बल्लाकेत सक्षम जुइमा धयागु आज्जु तयाः न्ह्याःगु थुगु मेलाया उलेज्या वागमती प्रदेशया सांसद् शैलेन्द्रमान वज्राचार्य, येँ महानगरपालिका २७ नंं वडाया अध्यक्ष योगेशकुमार खडगी व उदाय् मिसा पुचःया नायः कीर्ति तुलाधरपिंसं छगू ज्याझ्वःया दथुइ मंकाः कथं त्वाःदेवाः च्याकाः उलेज्या यानादीगु खः ।
मिसा पुचःया नायः कीर्ति तुलाधरया सभापतित्वय् न्ह्याःगु उगु ज्याझ्वलय् मेलाया कजि सुनिला स्थापितंं लसकुस यासें स्वन्तियात माःगु हलंज्वलं छथासं दयेमा धयागु तातुनाया नापनापं झी मिसापिं नं थःगु तुतिइ दने फइगु आज्जु ज्वनाः थुगु मेलाया ग्वसाः ग्वयागु खँ कनादीगु खःसा वडाअध्यक्ष खडगी व बागमती प्रदेशया वज्राचार्यपिंसं व्यापार मेलायात कयाः थःपिनि नुगः खँ तयादीगु खः ।
वंगु कार्तिक १० व ११ गते निन्हुयंकं न्ह्यागु थुगु व्यापार मेलय् थीथी मिसा पुचः लगायतपिंसं थीथी हलंज्वलं लिसें नयेगु नसाया स्टल तयेगु ज्या जूगु खःसा आपालं उपभोक्तापिंसं अवलोकन याःगु खः ।
LEAVE YOUR COMMENTS