एमसीसीयात डिसेम्बर तकया म्याद

येँ- नेपाः भ्रमणय् वयाच्वंम्ह अमेरिकी सहायक विदेशमन्त्री डोनाल्ड लुं थ्वहे वइगु डिसेम्बर १४ गते तक नं यदि नेपालं एमसीसी पारित मयात धाःसा अमेरिकां थ्व लित यंकीगु खँ धाःगु दु । म्हिगः माओवादी अध्यक्ष पुष्पकमल दाहाललिसे जूगु खँल्हाबल्हाय् वय्कलं थ्व खँ धयादीगु खः । उगु इलय् दाहालं एमसीसीया प्रस्तावय् लिपा जूगु संशोधनं यानाः शंका ब्वलंगु दु धासें उकी पुनर्विचार यायेत इनाप यानादीगु खः ।

सहायक विदेशमन्त्री लुं म्हिगः हे प्रमुख प्रतिपक्षी एमाले अध्यक्ष केपी ओलीयात नं नापलानाः एमसीसी बारे एमालेया बिचाः छु खः धकाः न्यनादीगु खः । उगु इलय् ओलीं आः थुकिया बारे सरकारं हे छुं बिचाः मदयेकूगु कारणं थःपिंसं नं बिचाः दयेकेमाःगु आवश्यकता मदुगु लिसः बियादीगु दु । वय्कलं न्हापा थः प्रधानमन्त्री जुयाच्वंगु इलय् एमसीसी पारित याकेगु लागिं कुतः धाःसा यानागु कनादीगु खः।
नेपाः वयाः छुं नेतात नापलानाः लुया म्हिगः हे स्वदेश लिहां वनेधुंकूगु दु ।

थ्वहे झ्वलय् लु नेपाः वःगु झ्वलय् लाकाः म्हिगः अमेरिकी दूतावास न्ह्यःने एमसीसी विरुद्ध प्रदर्शन जूगु दु । वैद्य पुचःया ाओवादीं महाराजगन्जय् दूतावास न्ह्यःने विरोध प्रदर्शन याःगु खः । उगु प्रदर्शनय् हस्तक्षेप यानाः प्रहरीं आपालं कार्यकर्तात ज्वना यंकूगु दु ।

विरोध प्रदर्शन याःपिं टेकबहादुर विश्वकर्मा लिसें क्रान्तिकारी युवा लिगया अध्यक्ष अमिर महर्जन, नेपाल दलित मुक्ति मोर्चाया सचिवालय दुजः शोभा विश्वकर्मा, नेतापिं खगेन्द्र छन्त्याल, जगदीश महर्जन, राधाकृष्ण थापा, ज्ञानप्रसाद तिवारी, शंकर बोहरा, सुवास आरसीपिंत ज्वंगु खः ।

सम्बन्धित बुखँ

LEAVE YOUR COMMENTS