शंखधर उद्यानय् शंखधर दिवस न्यायेकीगु

येँ -नेपाल संवत् न्हूदँ राष्ट्रिय समारोह समिति ११४२ या ग्वसालय् दँय्दसं थें थुगुसी नं शंखधर दिवस तःजिक न्यायेकीगु जूगु दु । ने.सं. ११४२ कछलागा दशमी (कार्तिक २८ गते) येँया लखुतीर्थय् शंखधर दिवस न्यायेकीगु ज्याझ्वः दुसा थुगु दँनिसें येँ महानगरपालिकां शंखधर पार्कय् (पुलांगु रत्नपार्कय्) पलिस्था याःगु शंखधर साख्वाःया झ्वाता जःखः दिपावली यायेगु निर्णय याःगु दु । नेपाल सरकारं नेपाल संवत्या प्रवर्तक शंखधर साख्वाःयात राष्ट्रिय विभूति घोषणा याःगु लसताया दिं लुमंकाः थथे दँय्दसं दशमि कुन्हु शंखधर दिवस न्यायेका वयाच्वंगु खः ।