शिवपुरी स्कुलपाखें मेयरयात सम्मान

येँ – महाराजगंजस्थित शिवपुरी माध्यामिक विद्यालयं येँ महानगरपालिकाया मेयर विद्यासुन्दर शाक्य व उपमेयर हरिप्रभा खड्गी श्रेष्ठयात हंगु दु । विद्यालयया ७३क्वःगु बार्षिकोत्सवया लसताय् याःगु समारोहय् मेयर शाक्य व उपमेयर खड्गी लिसें कामपा वडा ३ या वडाध्यक्ष दीपक के.सी.यात नं विशेष सम्मान याःगु खः ।

शिक्षा, स्वास्थ्य, भाषा, संस्कृतिलिसें मुक्कं समग्र येँ महानगरया विकासय् ब्यूगु विशेष योगदानया कदर कथं वयकःपिंत सम्मान याःगु खः । ज्याझ्वलय् पूर्वमन्त्री इश्वर पोखरेलं वय्कःपिंत हनापौलिसें सम्मान यानादिल ।

उगु हे समारोहय् थीथी संस्था अले मनूत जानाः स्थापना यानातःगु अक्षयकोषं वःगु ब्याजं विद्यालयया ६० म्ह विद्यार्थीतय्त छात्रवृत्ति नं लःल्हाःगु खः । लिसें विद्यालयय् १५ दँ सेवा अवधि थ्यंम्ह शिक्षक बोजबहादुर बुढाथोकी, बर्ष उत्कृष्ट शिक्षक कान्छा नुरु शेर्पायात नं सम्मान याःगु खः ।
उगु हे ज्याझ्वलय् सांसद विकास कोष अन्तर्गत पोखरेलमार्फत प्राप्त २५ लाख दामं दयेकूगु शिवपुरी चमेना गृहया नं उलेज्या याःगु खः ।

सम्बन्धित बुखँ

LEAVE YOUR COMMENTS