कसाः तःधं गुथिइ पूर्णवीर सिंह न्हूम्ह नायः

येँ – कसाः तःधं गुथिया नकतिनि क्वचाःगु दँमुँज्यां गुथिया न्हूगु ज्यासना पुचः ल्यःगु दु । उगु दँमुँज्या निगू चरणय् न्ह्याःगु खः। निगूगु चरणय् पूर्णवीर सिंह कसाःया नेतृत्वय् गुथिया न्हूगु ज्यासना पुचः ल्यःगु खःसाः निर्वाचित सकलें निर्विरोध जुयादीगु खः । पूर्णवीर सिंह कसाःया नेतृत्वय् ल्यःगु गुथिया न्हूगु ज्यासना पुचलय् न्वकु अशोकज्योति कसाः, मूछ्याञ्जे उदयरत्न कसाः, छ्याञ्जे गुञ्जन कसाः व दांभरिंलय् राजुकुमार कसाःयात ल्यःगु दु ।

अथे हे मू दुजलय् आनन्दवीरसिंह कसाः, रविन्सन कसाः, ओमरत्न कसा, सुरज कसाः, लोकवीरसिंह कसाः, निरन्तर कसाः, दिव्यलक्ष्मी कसाः व रत्नकमल कसाः निर्वाचित जुयादीगु दु ।
थ्व स्वयां न्ह्यः न्हापांगु चरणया ज्याझ्वः गुथिया नायः युरिकाजी कसाःया सभापतित्वय् जूगु खः । न्हापांगु चरणय् मूछ्याञ्जे उदयरत्न कसाः वार्षिक प्रतिवेदन व दांभरिं राजुकुमार कसाः आर्थिक प्रतिवेदन न्ह्यब्वयादीगु खः ।

न्हापांगु चरणय् कसाः समुदायया दिवंगत जुयादीपिनिगु लुमिन्तइ छगू मिनेट मौन धारण यासें न्ह्याःगु ज्याझ्वलय् दिव्यलक्ष्मी कसां लसकुस यानादीगु खः ।

कसाः मिसा पुचःया नायः मीराज्योति कसां पुचःया प्रतिवेदन न्ह्यब्वयादीगु ज्याझ्वलय् पद्मज्योति कसाः, युरीकाजी कसाः, पूर्णवीर सिंह कसाःपिंसं नुगःखँ तयादीगु खः । ज्याझ्वलय् कोरोना संक्रमणया कारणं गुंला वनेगु रोके जूसां द्यइके वंपिं निम्हेसिया निंतिं युरिकाजी कसां दांभरि राजुकुमारयात चेक लःल्हनादीगु खः ।

ज्याझ्वलय् न्हू निर्वाचित नायःयात निवर्तमान नायलं गुथिया माइन्युट लःल्हानादीगु खः ।

सम्बन्धित बुखँ

LEAVE YOUR COMMENTS