पत्रकार जितेन्द्र महर्जन त्वःता हल

नेपालभाषा टाइम्स

येँ – न्हूगु ज्वजलपा’ वाःपौया पत्रकार जितेन्द्र महर्जनयात म्हिगः प्रहरीं त्वःता हःगु दु । वंगु वालय् वय्कःयात अदालतं त्वःतेगु आदेश बीधुंकाः प्रहरीं अदालतया पिनें हानं ज्वना यंकूगु खः । वय्कःयात त्वःतेगु माग यासें नेवाः पत्रकार राष्ट्रिय दबूपाखें सावर्जनिक प्रदर्शन यासें दबाब समेत बिया वयाच्वंगु खः । वय्कःयात म्हिगः त्वःता हयेवं नेवाः राष्ट्रिय पत्रकार दबूपाखें वय्कःयात छगू ज्याझ्वः यासें लसकुस नं याःगु दु ।