किपुलिइ सम्पदा पदयात्रा

नेपालभाषा टाइम्स
???? ?????? नवमी
- बुखँ
- स्वनिगः
किपा-ज्ञानकुमार महर्जन

किपू – विश्व पर्यटन दिवसया लसताय् किपू नगरपालिकापाखें सम्पदा पद यात्राया याःगु दु । विश्व पर्यटन दिवस २७ सेप्टेम्बर सोमबाः जूसां उगु पदयात्रा वंगु शनिबार याःगु खः ।
किपू देय् ऐतिहासिक सम्पदां जाःगु देय् जूगु व थनया सम्पदा संरक्षणया ज्या नं मदिक्क जुयाच्वंसां उचित प्रचार प्रसारया म्होतिं यानाः व कोरानो महामारीं यानाः पर्यटन क्षेत्र सिथिल जुयाच्वंगुलिं थुकियात थप चलायमान यानाः ऐतिहासिक किपूया प्रचार याये मू आज्जु ज्वनाः थुगु ज्याया ग्वसाः ग्वःगु खः ।

किपू नगरपालिका भवन, जसिंगाः, बर्खाहितिं शुरु जूगु उगु पदयात्राय् किपू नगरपालिकाया मेयर रमेश महर्जन व नेपाल पर्यटन बोर्डया प्रमुख कार्यकारी अधिकृत डा.धनन्जय रेग्मीं मंकाः कथं उलेज्या यानादीगु खः । पदयात्राय् किपू नगरपालिकाया उपमेयर सरस्वती खड्का, वडा नं. २ या अध्यक्ष तथा भाषा, संस्कृति व पर्यटन समितिया संयोजक रमेशमान डंगोल, वडा नं. ३ या अध्यक्ष राजेन्द्र महर्जनया लिसें मिस नेपाल २०२१ नम्रता श्रेष्ठ, मिस नेवाः ११३९ निता डंगोल, मिस नेवाः ११४१ कृषा महर्जन, टुरिज्मगाइड एशोसियशन अफ नेपालया अध्यक्ष बद्री नेपाल, हिडन ट्रेजरका दिवाकर कंसाकारलगायत आपालं सर्वसाधारणया सहभागिता दुगु खः ।

उगु पद यात्रा किपू नगरपालिकाया भवनं सुरु जुयाः छ्याकः ल्वहँ जुयाः तःननी, चिलंच्वबाहाः, ल्वहं देगः, देय् पखू, आजुद्यः (बाघभैरव), लाय्कू, क्वाःच्व (उमामहेश्वर)य् थ्यंका क्वचाःगु खः ।