समय फल्चा हाकनं दयेकेगु सुरु

यल – यलया पूच्वः समय फल्चा सोमवाः निसें हाकनं दयेकेगु सुरु जूगु दु । उच्च अदालतं बियातःगु ‘स्टे अर्डर’ आइतवाःया सुनुवाइया झ्वलय् खारेज यायेवं सोमवाः सुथं निसें हे जस्तां पःखुयाः दयेकेगु सुरु याःगु खः ।

थ्व फल्चाया लिउने लाःगु लालीगुराँस बहुउद्देश्य सहकारी संस्थां ताःई न्ह्यवं निसें तारन्तार मुद्दा तयाः थ्व फल्चा दयेके मबिइगु कुतः यानाच्वंगु खः । तर सर्वोच्च अदालतं हे फल्चा दयेकेफइगु निर्णय यायेधुंकाः यल महानगरपालिकां निवाः न्ह्यः फल्चा दयेकेगु सुरु याःगु खः । सर्वोच्चया आदेश लिपा नं सहकारी संस्थाया भवन क्वय् पसः तयाच्वंम्हेसिनं हाकनं उच्च अदालतय् मुद्दा तयेवं वंगु भदौ ३० गते उच्च अदालतं स्टे अर्डर बिउगु खः । तर आइतवाः उच्च अदालतं न्हापाया फैसलात स्वयाः फल्चा दयेकेगु दिकेम्वाःगु फैसलां न्यंकेवं सोमवाः सुथय् हे दयेकेगु सुरु याःगु खः ।

‘उच्च अदालतं पुलांगु मुद्दाया फैसला स्वयेधुंकाः फल्चा दयेकेगु पक्षय् निर्णय यायेवं सोमवाः निसें दयेकेगु सुरु यानागु खँ यल महानगरपालिकाया मेयर चिरिबाबु महर्जनं धयादीगु दु ।

सम्बन्धित बुखँ

LEAVE YOUR COMMENTS