बागमतीइ १४ गते शपथ

येँ (नेपालभाषा टाइम्स)- बागमति प्रदेशसभा सचिवा लयं थ्वहे वइगु पुस १७ गते प्रदेशसभाया हिउँदे अधिवेशन सःतेत बाग–मति प्रदेशया मन्त्रिपरिषद् कार्यालययात इनाप याःगु दु । सर्वदलीय बैठकं प्रदेश प्रमुख यादवचन्द्र शर्मापाखे प्रदेशसभाया ज्याथःम्ह दुजः रामप्रसाद ढुंगानायात थ्वहे वइगु पुस १३ गते न्हिनसिया २ बजे शपथ याकेगु कथं कार्यसूची दयेकूगु दु । लिसें थ्वहे पुस १४ गते न्हिनसिया २ बजे प्रदेशभाया ज्याथःम्ह दुजः ढुंगानां बाग–मति प्रदेशसभाया १०९ म्ह दुजःयात प्रदेशसभाया सभा–कक्षय् शपथ याकीगु ज्याझ्वः दु ।

सर्वदलीय बैठकय् नेपाली कांग्रेस, नेकपा एमाले, नेकपा माओवादी, नेकपा एकीकृत समाजवादी, राष्ट्रिय प्रजातन्त्र पार्टी (राप्रपा), नेपाल मजदुर किसान पार्टी (नेमकिपा) व हाम्रो नेपाली पार्टीपाखें प्रतिनिधित्व दुथ्याःगु खँ सचिवालयया प्रमुख सचिव कृष्णहरि खड्कां कनादीगु दु ।

बागमती प्रदेशय् नेपाली कांग्रेस व माओवादी मध्ये सुनां सरकार गठन यायेगु धकाः विवाद जुयाच्वंगु दुसा निगुलिं पार्टीइ आन्तरिक तनाव नं शुरु जुयाच्वंगु दु ।

नेपालभाषा टाइम्स

च्वमिया मेमेगु

• ‘भाषा ऐन हयेत पाय्‌छिकथं ज्या जुयाच्वंगु मदु’
• कार्यवाहक मेयरया वसः फ्रान्सय् चर्चा
• सिन्धुलीया मरिण गाउँपालिकाय् नेवाः संस्कृतिया प्रशिक्षण
• स्थानीयपाखें पशुपति विकास कोषय् धर्ना
• बुंगद्यःया रथया हितिमंगः तंगु खँ संसदय् थ्यन