१२ वडाया पुखुसी महाद्यःया देगः उलेज्या

येँ – येँ महानगरपालिकाया प्रमुख विद्यासुन्दर शाक्यं मूर्त सम्पदायात जीवन्त याना तयेत अमूर्त सम्पदालिसे व उकिया प्रवद्र्धन यायेत पर्यटन ख्यःलिसे स्वापू तया वनेमाःगु खँ धयादीगु दु । सांस्कृतिक पर्यटनपाखें सम्पदा क्षेत्रया व्यवस्थापन यायेत आवश्यक ध्यबा संकलन नापं स्थानीयया आय नं वृद्धि जुइगुलिं सम्पदा क्षेत्रयात पर्यटनलिसे स्वाना यंकेमाःगु खँय् नं वय्कलं बः बियादिल ।

येँ महानगरपालिका वडा नं. १२य् च्वंगु पुखुसी महाद्यःया देगः उलेज्याझ्वलय् नवासें महानगर प्रमुख शाक्यं उगु खँ धयादीगु खः । वय्कलं सम्पदा क्षेत्रयात पर्यटनलिसे स्वाना मयंकेगु खः धइगु जूसा उकिया दिगो रुपं संरक्षण याना तयेत समस्या जुइ धयादिल ।

लिसें वय्कलं न्हापा बैंक वित्तीय संस्थात त्यासा बीत लिचिलीगु थासय् थौं वयाः त्यासा बीगु यानाहःगु धासें आः चिचिधंगु कुतःपाखें हे हिउपाः हयाः समृद्धिया लँय् न्ह्याः वनेगु स्वयेमाः धयादिल ।
१२ वडां पुनःनिर्माण याःगु उगु देगःया थौंकन्हय् पुखुसी टोल सुधार समितिं संरक्षण याना वयाच्वंगु दु । ०३९ साल न्ह्यःतक सतक सिथय् लानाच्वंगु देगः लिपा सतक विस्तारया झ्वलय् दथुइ लाः वंगु खः । वयां लिपा अन देगः हे दनाः संरक्षण याःगु खः ।

ज्याझ्वलय् येँ महानगरपालिका वडा न. १२या वडाअध्यक्ष विकास डंगोल, २१ वडाअध्यक्ष उदय चुडामणि वज्राचार्यलिसें थीथी व्यक्तित्वपिंसं नं नुगःखँ तयादगिु खः ।