विश्व नेवाः सम्मेलनया प्रतिनिधिपिं ऐक्यवद्धता क्यनेत ख्वना वनीगु

येँ – विश्व नेवाः सम्मेलनया निंतिं येँ वयाच्वंपिं थीथी देय्या प्रतिनिधिपिं ख्वनाय् दयेकेत्यंगु फास्ट ट्य्राकपाखें पीडितपिंत ऐक्यवद्धता क्यनेगु निंतिं आइतवाः ख्वना वनीगु जूगु दु ।

आइतवाः सुथय् साढे ९ बजे वीर अस्पताल न्ह्यःने बसपार्कय् मुनाः ख्वनाय् वनेगु खँ शनिवाः जूगु विश्व नेवाः सम्मेलनया झ्वलय् जानकारी बिउगु खः ।

सम्मेलनया न्हापांगु न्हि क्वचायेकेगु झ्वलय् न्ववानादिसें न्यूयोर्क पाखें झायादीम्ह प्रतिनिधि सुनिल महर्जनं विश्वय् न्यना वनाच्वंपिं नेवाःतय् मू हा धयागु स्वनिगः हे खः धासें स्वनिगः नेपाःया नेवाःत विस्थापित जुइगु अवस्था वयाच्वंगुलिं माःगु संघर्ष यायेत विश्वया नेवाःत छप्पँ दु धयागु क्यनेत थःपिं उखे वनेत्यनागु खँ धयादीगु खः ।

ज्याझ्वलय् वंगु बुधवाः माइतीघर मण्डलाय् शान्तिपूर्ण धर्नाया इलय् प्रहरी दमनं यानाः घाःपाःजूपिनि उपचारया निंतिं ग्वाहालि मुंकेगु घोषणा यानादिसें भाजु महर्जनं थःगुपाखें झिद्वः दां तयेगु जानकारी नं बियादीगु खः ।