साेमवाःनिसें नेपाः, ओमन व अमेरिका दथुया सिरिज

एजेन्सी- आइसिसी विश्वकप क्रिकेट लिग–२ अन्तर्गत नेपाः, ओमन व अमेरिका दथुया त्रिकोणात्मक सिरिज सोमवाः निसें शुरु जुइत्यंगु दु । ओमनया अल अमिरात क्रिकेट मैदानय् नेपालं सोमबाः ४ः१५ बजे अमेरिकालिसे न्हापांगु कासा म्हिती । त्रिकोणात्मक सिरिजय् दक्वं टिमं थवंथवय् निगू निगू कासा म्हिती । नेपालं थःगु निगूगु कासा भदौ २९ गते ओमानलिसे, स्वंगूगु कासा असोज १ गते अमेरिका व अन्तिम कासा ओमानलिसे असोज ३ गते म्हिती ।

सन् २०२० य् नेपालय् जूगु आइसिसी विश्वकप क्रिकेट लिग–२ अन्तर्गत नेपाः, ओमान व अमेरिका दथुया त्रिकोणात्मक सिरिजय् नेपालं निगुलिं कासाय् अमेरिकायात बुकूगु खःसा ओमानलिसे धाःसा निगुलिं कासाय् बूगु खः । सन् २०२० य् जूगु सिरिजय् नेपालं अमेरिकायात न्हापांगु कासाय् ३५ रन व निगूगु कासाय् च्यागू विकेटं बूकुगु खः । अथे हे ओमानं नेपालयात न्हापांगु कासाय् १८ रन व निगूगु कासाय् च्यागू विकेटं बुकूगु खः ।

ओमानय् च्वनाच्वंगु नेपाली टिमं त्रिकोणात्मक सिरिजसिबें न्ह्यः पपुवा न्यूगिनिलिसे निगू मैत्रीपूर्ण कासा म्हितूगु खःसा निगुलिं कासा त्याकूगु खः ।