रोनाल्डोयात ७ नम्बरया जर्सी

एजेन्सी- झिंनिदँ लिपा म्यानचेस्टर युनाइटेडय् लिहां वःम्ह स्टार कासामि क्रिष्टियानो रोनाल्डोयात ७ नम्बरया जर्सी बिइगु जूगु दु । म्यानचेस्टर युनाइटेडय् एडिसन कभानीं ७ नम्बरया जर्र्सी फिनावयाच्वंगु खःसा आः रोनाल्डों ७ नम्बर जर्सी फिइगु जूगु दु । कभानीयात आः २१ नम्बरया जर्सी बिइगु जुइ ।

रोनाल्डो व म्यानचेस्टर युनाइटेड दथुइ निदँया सम्झौता जूगु खः । अथे हे युनाइटेडं रोनाल्डोयात क्लबय् निदँसिबें अप्वः च्वनेगु विकल्प नं सम्झौताय् बियातःगु दु । रोनाल्डों सन् २००३ निसें २००९ तक युनाइटेडया निंतिं म्हितूगु खः । अबलय् रोनाल्डों युनाइटेडया निंतिं स्वक्वः प्रिमियर लिग, छक्वः च्याम्पियन्स लिग, निक्वः लिग कप व छक्वः एफए कप त्याकूगु खः ।

सम्बन्धित बुखँ

LEAVE YOUR COMMENTS