संसद सचिवालय विरुद्ध एमालेपाखें रिट दायर

येँ – नेकपा एमालें सभामुख अग्नि सापकोटा व निर्वाचन आयोग विरुद्ध सर्वोच्चय् रिट दर्ता याःगु दु । पार्टीं वंगु भदौ १ गते झिंप्यम्ह सांसदयात कारबाही यासें पदमुक्त यायेत पौ छ्वःगु खःसां सभामुखं पनातःगु व लिपा कारबाही मजुइगु धकाः याःगु निर्णय बदर यायेत माग याःगु दु । उकथं हे रिटय् पार्टीं कारबाही यायेधुंकूपिं झिंप्यम्ह सांसदया तकं सनाखत यानाः नेकपा एकीकृत समाजवादी पार्टी दर्ता याःगु त्रुटिपूर्ण जूगु धासें उकियात नं बदर यायेत माग यानातःगु दु । उकथं हे एकीकृत समाजवादी दर्ता याःगु इलय् दिल्लीइ च्वनाच्वंम्ह झलनाथ खनालया तकं वारेसपाखें सनाखत याःगु धासें उकियात नं बदर यायेत माग याःगु दु । अथे हे एमालें दर्ता याःगु स्वंगूगु रिटय् लुम्बिनी प्रदेशया निम्ह सांसदयात पार्टीं कारबाही याःसां नं सभामुखं कारबाही मयाःगु धासें सभामुखया निर्णय बदर यायेत माग यानातःगु दु ।

सम्बन्धित बुखँ

LEAVE YOUR COMMENTS