झलनाथया वासः खर्चय् रिट

येँ- पुलांम्ह प्रधानमन्त्री झलनाथ खनालयात सरकारं बिउगु वासः खर्च लित कायेमाःगु माग यासें सर्वोच्च अदालतय् रिट दायर जूगु दु । आइतवाः विद्यार्थी संगठन अखिल छैठौंया अध्यक्ष लिसें अधिवक्ता विमल पोखरेलं प्रधानमन्त्री, मन्त्रिपरिषदया ज्याकू व झलनाथ खनालयात विपक्षी दयेकाः रिट तयादीगु खः ।

अधिवक्ता पोखरेलं खनालं थःगु वासः विदेशय् याःगु जूगुलिं वासः खर्च सरकारं बेहोरे यायेगु गैरकानुनी जुइ धासें सरकारं बिउगु वासः खर्च लित बीत माग यानादीगु दु । उकथं हे वासः खर्च सरकारं बेहोरे यायेगु धकाः सरकारं याःगु निर्णय खारेज यायेत नं माग याःगु दु ।

थ्व स्वयां न्ह्यः सर्वोच्च अदालतया रजिष्ट्रारं दरपिट याःगु थुगु रिट वंगु भदौ ३ गते न्यायाधीश दिपकमुमार कार्कीं दरपिट आदेश खारेज यानाबीवं म्हिगः दर्ता जूगु खः । जलस्यँ सम्बन्धी ल्वचं कयाच्वंम्ह खनालया उपचार भारतया एपोलो अस्पतालय् जूगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन