किनपापाखें अस्पतालयात ग्वाहालि

किपू- किपू नगरपालिकां कीर्तिपुर अस्पतालयात स्वास्थ्य सामग्री ग्वाहालि याःगु दु । किपू नगरपालिकाया भवनय् नगर प्रमुख रमेश महर्जनं अस्पतालया निमित्त निर्देशक डा. पेरु प्रधानयात उगु स्वास्थ्य सामग्री लःल्हानादीगु खः ।

नगरपालिकां अस्पतालयात मोनिटर प्यंगः, सिरिञ्ज पम्प २ गः, इन्जेक्सन पम्प निगः, इन्फ्रारेड थर्माेमिटर खुगः, पल्स अक्सिमिटर न्यागः व डिस्पाजेबल पीपीप २० लःल्हाःगु खः ।

वंगु जेठय् रिसर्ज इन्टरनेशनल नेपालपाखें कोभिड नियन्त्रण व रोकथामया निंतिं किपू नगरपालिकायात स्वास्थ्य सामग्रीत लःल्हाःगु खः। संस्थापाखें प्राप्त स्वास्थ्य सामग्री अस्पताललिसें किपूया स्वास्थ्य चौकियात उपलब्ध याकेगु नगर प्रमुख महर्जनं उगु इलय् धयादीगु खः। व हे कथं नगरपालिकां अस्पतालयात सामग्री लःल्हाःगु खः ।

नेपालभाषा टाइम्स

च्वमिया मेमेगु

• नेवाः सांस्कृतिक ज्ञानकोष अनलाइनय्
• धुँ जुजु बुद्धि, म्येय्‌जवाःया बुद्धि
• अमेरिकां लित बिल खुया यंकूगु निगू मूर्ति
• नेवाः हाइकु ख्यः न्हय्‌क्वःगु बुसादँ हना
• महाकवि सिद्धिदासया बुन्हिया लसताय् चिनाखँ व किपा च्वज्या कासा