विद्युतीय अपराधप्रति सचेत जुइत साइबर ब्यूरोया इनाप

येँ (नेपालभाषा टाइम्स) – नेपाल प्रहरी साइबर ब्यूरों विद्युतीय अपराधया घटना अप्वयाच्वंगु धासें थ्वप्रति सचेत जुइत सर्वसाधारणयात इनाप याःगु दु । ब्यूरों कानून अःखः जुइगु थुकथंया घटनापाखें सचेत व सतर्क जुइत सर्वसाधारणयात इनाप याःगु खः ।

ब्यूरों कानून अःखः अश्लिल भिडियो निर्माण यायेगु, प्रशारण यायेगु घटना अप्वया च्वंगु धासें इन्टरनेट व विद्युतीय उपकरणया दुरुपयोग यानाः सामाजिक संजालय् अशोभनीय, अमर्यादितव दूराचारयुक्तलिसें अश्लिल व यौनजन्य श्रव्यदृश्य प्रशारण यानाच्वंगु खने दुगु धासें थ्वप्रति सचेत जुइत इनाप याःगु खः । थुकथंया गतिविधि विद्युतीय कारोबार ऐन-२०६३या अःखः जुइगु ज्या खने दुगुलिं थ्वप्रति सावधानी नालेत व सचेत जुइत ब्यूरों इनाप याःगु दु ।

अपराध याइपिंत कानूनी दायराय् हयाः पीडितयात न्याय बीगु सन्दर्भय् सही निकाय व माध्यमया छनोट मयासे पुलांगु हे भिडियो व मेमेगु सामग्री प्रदर्शन यायेगु ज्यां पीडितयात झन जक पीडा बीगु ज्या जुइगु नापं गोपनीयता संरक्षणया कानूनी प्रावधान अःखः जुइगु धासें अज्याःगु गतिविधि मययोत नं ब्यूरों सचेत याःगु दु ।

सम्बन्धित बुखँ

LEAVE YOUR COMMENTS