सतकय् आकाझाकां गाडी हडताल

येँ – यातायात व्यवासायीतय्सं म्हिगः राजधानी येँय् आकाझाकां प्रदर्शन याःगु दु । यातायात व्यवसायीतय्सं सतकय् सवारी साधन दिकाः प्रदर्शन यायेवं म्हिगः छझाः येँयया यातायात अस्तव्यस्त जूगु खःसा थीथी थासय् वनेमाःपिं यात्रुत नं मर्काय् लाःगु खः ।

यातायात व्यवसायी महासंघं थीथी न्हय्गू बुँदाया माग न्ह्यःने तयाः प्रदर्शन याःगु खः । प्रदर्शनया झ्वलय् महासंघं यातायात मजदूरतय्त कोभिड खोप उपलब्ध याकेमाःगु, यातायातया भाडा व ट्याक्सीया भाडा थकायेमाःगु, मौद्रिक नीतिइ थःपिनिगु माग सम्बोधन यायेमाःगु, नीदँ पुलांगु सवारी साधनया ई थपे यानाः हानं चले याये दयेमाःगु, यातायात बीमा छुट बीमाःगु, सतक कानुन लागू यायेमाःगु माग याःगु खः ।

उकथं हे म्हिगः ट्याक्सी व्यवसायीतय्सं नं थःपिनिगु सवारी साधनया भाडा थकाये दयेमाः धइगु माग यासें आन्दोलन शुरु याःगु दु । वंगु छुं न्हिं न्ह्यः जक यातायात व्यवस्था विभागं सार्वजनिक सवारी साधनया भाडा अप्वयेकूसां ट्याक्सीया भाडा धाःसा थमकाःगु धासें आन्दोलनय् कुहां वःगु खः । कोरोना महामारीया कारणं यातायात व्यवसाय तसकं प्रभावित जूगु खँ उमिसं धयाच्वंगु दु ।

सम्बन्धित बुखँ

LEAVE YOUR COMMENTS