टोकियो ओलम्पिकय् फुटबल व सफ्टबलया कासा सुरु

एजेन्सी- टोकियो ओलम्पिकय् फुटबल व सफ्टबलया कासा सुरु जूगु दु । ओलम्पिकया औपचारिक उद्घाटन शुक्रवाः जुइत्यंगु खःसा फुटबल व सफ्टबलया कासा धाःसा बुधवाः निसें हे जूगु खः । बुधवाः सुथय् जापान व अस्टे«लियाया दथइ सफ्टबलया कासा सुरु जुइवं टोकियो ओलम्पिक न्ह्याःगु दु ।

अजुमा बेसबल स्टेडियमय् जूगु मिसापाखेंया सफ्टबल कासाय् जापानं अस्टे«लियायात ८–१ गोलं बुकूगु खः । अथे हे बुधवाः जूगु मिसापाखेया सफ्टबलया कासाय् क्यानाडां मेक्सिकोयात व अमेरिकां इटालीयात बुकल । सन् २००८ लिपा न्हापांखुसी सफ्टबलयात ओलम्पिकय् दुथ्याकूगु खः । बुधवाः हे मिसापाखेंया थीथी टिमया दथुइ फुटबलया खुगू कासा नं जूगु दु ।

कोरोना महामारीया कारणं ओलम्पिक दछि लिहां वंगु खः । जापान सरकारं टोकियोय् आपत्तकाल घोषणा यानाः ओलम्पिक न्ह्याकूगु खःसा ओलम्पिक कासा दक्व खाली स्टेडियम हे जुइ । ओलम्पिकय् झिंछद्वलं मल्याकं कासामितय्सं ब्वति काःगु दु । नेपालं ओलम्पिकय् न्याम्ह कासामिं ब्वति काःगु दु ।

सम्बन्धित बुखँ

LEAVE YOUR COMMENTS