चक्रमान डंगोल लुमंकल

येँ-भाषाह्यःमिलिसें समाजसेवी चक्रमान डंगोलया खुदँया पुण्य तिथिइ छगू स्मृति सभा ज्याझ्वः जुल । युगवाणी नेटवर्कया ग्वसालय् उगु स्मृति सभा जूगु खः ।
मदुम्ह डंगोलया लुमन्तिइ छगू मिनेट मौन धारण यानाः न्ह्याःगु ज्याझ्वलय् ज्यापु सांस्कृतिक विकास कोषया न्वकु सन्तकुमार महर्जनं लसकुस यानादीगु खः ।
ज्याझ्वलय् नेपाल पत्रकार महासंघया नायः विपुल पोखरेल, ग्वसाः खलः संस्थाया सल्लाहकार कृष्ण केसी, कार्यकारी निर्देशक सुरेश आचार्य लगायतं मदुम्ह डंगोलया थीथी पक्षयात कयाः नुगःखँ प्वंकादीगु खः । मदुम्ह डंगोल रेडियो उपत्यकाया संस्थापक खः ।