यलया भिंद्यः ९० प्रतिशत क्वचाल

यल – थनया नांजाःगु भिंद्यःया देगः दनेगु ज्या ९० प्रतिशत क्वचाःगु दु । थनया मंगलय् च्वंगु उगु देगः वि.सं. २०७२ सालया भुखाय् क्षति जूगु खः । तर सुना नं दयेकेगु कुतः मयाःगुलिं स्थानीय जनता थःपिं हे जानाः थुकिया पुनर्निर्माण याःगु खः। थ्व देगः ४०० दँ न्ह्यः निर्माण जूगु खः ।

आः वइगु असोज महिनाया दुने देगः पूवंक दने सिधइगु अनुमान ललितपुर उद्योग वाणिज्य संघं याःगु दु । भिंद्यःयात व्यापारीतय् द्यः माने याइ । उकिं थ्व देगः दनेत यलया उद्योग वाणिज्य संघया व्यापारीत हे न्ह्यचिउगु खः ।

देगः दनेत थीथी व्यापारी, बैंक, स्थानीय जनता, यलया थीथी जातीय खलः पुचःतय्गु समेत सक्रिय सहभागिता दुगु खः । म्हीग तिनि इन्भेष्टमेन्ट बैंकं ५० लाख तका ग्वाहालि

याःगु खः ।
देगः दना बीगु ज्या भारत सरकारं याइ धकाः चर्चा जूसां मयाःगु कारणं स्थानीय जनतां ‘झीगु सम्पदा झीसं हे दयेके’ धइगु नारा बियाः ज्या न्ह्याकूगु खः । थ्व ज्याय् लुं सीगु छगू त्वःताः ४ करोड ९३ लाख तका तुइगु लागत अनुमान यानातःगु खःसां आः धाःसा थ्व खर्च छुं भचा अप्वः जू वनीगु अनुमान जुयाच्वंगु दु ।