मंगलबजाःया प्रहरी साइनबोर्डय् रञ्जना लिपि

यल- यल मंगलबजारय् च्वंगु महानगरीय प्रहरी प्रभागं नं थःगु साइनबोर्ड रञ्जना लिपिं च्वःगु दु । सोमवाः प्रजातन्त्र दिवस कुन्हु महानगरीय प्रभागं थुकथं साइनबोर्डय् रञ्जना लिपिं च्वःगु खः । प्रहरी प्रभागया थ्व ज्यायात सकसिनं च्वछासें जनमैत्री प्रहरी प्रशासनया निंतिं पहिचानया सम्मान धकाः तारिफ याःगु दु ।
पत्रकार सुनिल महर्जन साइनबोर्ड जनताया भावना व आत्मसम्मान कदर जूगु छगू नमुना खः धासें थुकिं प्रहरी प्रशासनप्रति अपनत्व बोध याकीगु खँ थःगु फेसबुकय् च्वयादीगु दु ।
थौंकन्हय् मंगलबजार प्रहरी प्रभावय् प्रमुख कथं डिएसपी प्रकाश थापा दी ।