कोरानो गार्ड मछ्यलेत सरकारी इनाप

येँ (नेपालभाषा टाइम्स)÷ स्वास्थ्य तथा जनसंख्या मन्त्रालयं ‘कोरोना गार्ड’ मछ्यलेत इनाप याःगु दु । मन्त्रालयं छगू सार्वजनिक सुचं जारी यासें कोरोना भाइरस पनेगु व नियन्त्रण याइगु व निष्प्रभावी याइगु धकाः बजारय् हःगु कोरोना गार्ड मन्यायेत सर्वसाधारण जनतायात इनाप याःगु खः ।

मन्त्रालयया सहप्रवक्ता डा. समीरकुमार अधिकारीं कोरोना गार्डं कोभिड–१९ नियन्त्रण यायेत गुगुं नं कथं ज्या मयाइगु जूगुलिं मन्यायेत इनाप यनागु खँ धयादीगु दु । मन्त्रालयं जारी याःगु सुचनय् धयातःगु दु, ‘विज्ञापन याःथें थज्याःगु यन्त्रं कोभिड–१९ भाइरसयात निस्क्रिय याइगु वा उगु यन्त्र छ्यलाः मास्क तयेम्वाः धइगु खँ भ्रामक खः, आः तक कोभिड–१५ यात थुकथं नियन्त्रण याइगु गुगुं नं कथंया प्रविधि विकास जूगु मदुनि ।’

वंगु दँय् नं कोरोना भाइरसपाखें बचे जुइगु धकाः व्यापारीतय्सं ‘भाइरस रिमुभिङ कार्ड’ बजारय् हःगु खःसा मन्त्रालयं उगु इलय् नं अज्याःगु कार्ड मछ्यलेत इनाप याःगु खः । मन्त्रालयं कारोना भाइरसपाखें बचे जुइगु निंतिं खोप कायेगु, न्ह्याबलें नं मास्क छ्यलेगु व स्वास्थ्य सुरक्षाया मापदण्ड नालेगुया विकल्प मदु धकाः धाःगु दु ।

सम्बन्धित बुखँ

LEAVE YOUR COMMENTS