मिसातय् निंतिं क्षमता अभिवृद्धि व लेखा व्यवस्थापन तालिम

किपू- किपू नगरपालिका वडा नं. ३ या ग्वसालय् वडाया मिसातय् क्षमता अभिवृद्धि व लेखा व्यवस्थापन तालिम शुरु जूगु दु । वडाया ग्वसालय् वडा दुनेया सक्रिय मिसा पुचःयात लक्षित यानाः उगु ज्याझ्वः शुरु याःगु खः।

किपू नगरपालिकाया प्रमुख रमेश महर्जनं तालिमया उलेज्या यानादिसें किपू नगरपालिकाया प्रमुख रमेश महर्जनं न्ह्यागु संघसंस्थाय् नं आर्थिक अनुशासन दयेमाः धयादिल । आर्थिक अनुशासनया खँय् विशेष बः बियादिसें वय्कलं मिसा पुचलं ध्यबा मुंकेगु यानाच्वंगु तसकं बांलाःगु ज्या जूगु तर थथे मुंकातःगु ध्यबाया ल्याःचाः नं पारदर्शी जुइमाः धयादिल ।

नगर प्रमुख महर्जनं पुचलं मुंकातःगु ध्यबा सकसिनं सीका तयेमाःगु, आर्थिक अनुशासन कायम जुइमाः व ल्याःचाः न्ह्याबलें नं पारदर्शी जुयाच्वनेमा धइगु ल्याखं थुकथंया लेखा व्यवस्थापन तालिम अतिकं महत्वपूर्ण जूगु विचाः नं प्वंकादिल ।

वय्कलं संघसंस्थाया ल्याःचाः पारदर्शी मजुल धाःसा न्ह्याक्व बांलाक संचालन जुयाच्वंगु संस्थाय् नं अनेककथंया शंका उपशंका जुयाः संस्था हे न्हना वनीगु अवस्था नं वयेफु धयादिल।

वडा नं. ३या वडासदस्य नन्ददेवी महर्जनं लसकुस यानादीगु तालिम उलेज्याभ्mवलय् नगरपालिकाया उपप्रमुख सरस्वति खड्का, १ वडाअध्यक्ष हर्ष महर्जन नं नुगःखँ तयादीगु खः । ज्याझ्वः ३ वडाअध्यक्ष राजेन्द्र महर्जनया सभापतित्वय् जूगु खः ।

सम्बन्धित बुखँ

LEAVE YOUR COMMENTS