क्वारेन्टाइनया निंतिं ११० गू होटलयात अनुमति

येँ-सरकारं विदेशं वइपिं यात्रुतय्त क्वारेन्टाइनय् च्वनेगु व्यवस्था यायेकथं १०० गू होटलयात अनुमति बिउगु दु । सरकारं विदेशं नेपाः वइपिं यात्रुतय्त क्वारेन्टाइनय् च्वनेगु व्यवस्था यायेकथं ११० गू होटलयात अनुमति बिउगु खः ।

संस्कृति, पर्यटन तथा नागरिक उड्डयन मन्त्रालय अन्तर्गत पर्यटन विभागया होटल शाखां छगू विज्ञप्ती जारी यासें ११० गू होटलयात क्वारेन्टाइनया अनुमति बियागु जानकारी बिउगु खः ।

विदेशं नेपाः आगमन जुइपिं यात्रुतय् व्यवस्थापन सम्बन्धी आदेश २०७८ या दफा ४ (१) कथं क्वारेन्टाइनया निंतिं निवेदन पेश याःपिंमध्ये विभागय् दर्ता कायम जूगु होटल २७ गू व हाल बागमति प्रदेश अन्तर्गतया उपत्यका पर्यटन ज्याकुथिय दर्ता कायम जूगु ८३ गू यानाः मुक्कं ११० गू होटलयात क्वारेन्टाइन प्रयोगया निंतिं सुचीकृत यानागु विभागं जारी याःगु विज्ञप्तीइ धयाःगु दु ।

सरकारं क्वारेन्टाइनया निंतिं हायात रिजेन्सी, सोल्टी होटल, हिमालय होटल, एअरपोर्ट होटल, गोकर्ण फरेस्ट होटल, क्लब हिमालय, होटल शंकर, होटल एलोफ्ट, होटल मनांग, ¥याडिसन होटल थेंज्याःगु पाँचतारेनिसें कयाः ननस्टार होटलयात अनुमति बिउगु दु ।

सरकारं लिपांगु इलय् निषेधाज्ञा छ्वासुकुगु अवस्थाय् निश्चित गन्तव्यया निंतिं उडान नं खुल्ला याःगु दु । थज्याःगु अवस्थाय् विदेशं वइपिं अनिवार्य रुपं क्वारेन्टाइनय् च्वनेमाःगु नियमकथं सरकारं उकथं होटलयात अनुमति बिउगु खः । नेपाः वइपिं यात्रुतय्सं अनुमति बियातःगु होटलय् थःगु हे खर्चय् क्वारेन्टाइनय् च्वनेमाःगु जुइ ।

सम्बन्धित बुखँ

LEAVE YOUR COMMENTS