इन्डोनेशियाय् अक्सिजन अभाव, ६३ म्ह सित

एजेन्सी- इन्डोनेशियाय् न्हियान्हिथं कोरोना संक्रमण अप्वया वनाच्वंगु दु । इन्डोनेशिया दक्षिण पूर्वी एशियाय् हे दकलय् अप्वः संक्रमण खनेदुगु देय् जुयावयाच्वंगु दु ।

इन्डोनेशियाया थीथी शहरय् कोरोना भाइरसया डेल्टा भेरियन्ट संक्रमण अप्वयावःगु खःसा आः इन्डोनेशियाय् न्हिं २५ द्वः सिबें अप्वः मनूत संक्रमित जुयाच्वंगु दु । संक्रमण थहां वंगुलिं अक्सिजनया अभाव नं शुरु जूगु दु । थीथी सञ्चार माध्यमय् वःगु समाचारकथं अक्सिजन अभावं जक ६३ म्ह मनू सीधुंकूगु दु । अक्सिजन अभाव खनेदुगुलिं इन्डोनेशियाया सरकारं अक्सिजन उत्पादकतय्त स्वास्थ्य क्षेत्रयात प्राथमिकता बिइत आदेश बिउगु दु ।

आइतवाः जक इन्डोनेशियाय् २७ द्वः सिबें अप्वः संक्रमित खनेदुगु खःसा न्यासलं मयाकं मनूत सीगु दु । इन्डोनेशियाय् संक्रमितय्गु ल्याः २३ लाख पुलेधुकूगु दुसा ६० द्वः सिबें अप्वः मनूत सीधुंकल । थुखे विज्ञतय्सं थ्व ल्याः पाय्छि मजूगु व अझ अप्वः खनेदुगु धाःगु दु ।

सम्बन्धित बुखँ

LEAVE YOUR COMMENTS