जैशिदेवल क्लबय् न्हूगु ज्यासना पुचः
येँ-येँ महानगरपालिका वडा नं. २१ जैशिदेगःस्थित जैशिदेवल युथ क्लबया न्हूगु ज्यासना पुचः ल्यःगु दु । वंगु असार १९ गते जूगु छगू ज्याझ्वःया दथुइ राजेश प्रजापतिया अध्यक्षताय् क्लबया न्हूगु ज्यासना पुचःया ल्यज्या याःगु खः ।
अध्यक्ष प्रजापतिया नेतृत्वय् क्लबया न्हूगु ज्यासना पुचलय् राजेन्द्र महर्जन उपाध्यक्ष, चन्द्रगोपाल प्रधान महासचिव, हितेश कार्जित सचिव, गिरिधरमान श्रेष्ठ कोषाध्यक्ष ल्यःगु दु ।
झिंछम्हेसिया ज्यासना पुचःया दुजलय् प्रमेशबहादुर श्रेष्ठ, प्रविण कर्माचार्य, राजेन्द्र मानन्धर, भरत कारंजित, ज्ञानिकमान दिपकार व तीर्थ राईयात ल्यःगु दु ।
न्हूगु ज्यासना पुचलय् निर्वाचित सकलें निर्विरोध जूगु क्लबं जानकारी बिउगु दु ।
न्हूगु ज्यासना पुचः ल्ययेत क्लबया सल्लाहकारलिसें नेपाल चलचित्र संघया अध्यक्ष मधुसुदन प्रधान संयोजक व राजेश शर्मा व हरिश्वरमान रंजित दुजः
जुयादीगु छगू निर्वाचन समिति गठन याःगु खः ।
क्लबं अन्तर डोजांग स्तर, विद्यालयस्तरय् तेक्वान्दो कासा यायेगु नापं सामाजिक गतिविधि, सुचुकुचु, स्वास्थ्य, धर्म, संस्कृति, परम्परा, सम्पदा संरक्षणया निंतिं थीथी जनचेतनामूकल ज्याझ्वः याना वयाच्वंगु दुसा निःशुल्क स्वास्थ्य शिविर संचालन, मचा प्रतिभायात प्रोत्साहन बीकथंया ज्याझ्वःत नं याना वयाच्वंगु दु ।
निर्वाचित न्हूगु ज्यासना पुचःयात भाउजु बुहारी समूहपाखें भिंतुना नं देछाःगु खः । उगु इलय् न्हू निर्वाचित अध्यक्ष प्रजापतिं निर्वाचन कमिटीयात सुभाय् देछानादिसें वइगु दिनय् नं क्लबयात सक्रिय रुपं न्ह्यःने यंकेत थीथीकथंया ज्याभ्mवः याना वनेगु जानकारी बियादीगु खः ।
LEAVE YOUR COMMENTS