बजाः अनुगमन यायेत संसदीय उपसमित

येँ (नेपालभाषा टाइम्स) – संसदया उद्योग, वाणिज्य व श्रम तथा उपभोक्ता हित समितिं मोहनि व स्वन्ति नखःया झ्वलय् जुइफइगु हाकु बन्जा व थिकेगु भावं सामान मीपिंत अनुगमन यायेगु कथं उपसमिति नीस्वंगु दु। म्हिगः च्वंगु समितिया बैठकं थुगु दुँया छठ पर्व तक म्याद दइ कथं न्याम्ह दुजः दुगु उपसमिति नीस्वंगु खः । उपसमितिइ निेकपाया सांसदपिं दिलकुमारी व मायादेवी न्यौपाने, कांग्रेसया प्रकाश रसाई (स्नेहीं) व सुजाता परियारयात दुजः कथं तःगु दुसा छम्ह दुजः लिपा ल्यइगु खँ धाःगु दु। नखः चखःया झ्वलय् जुइफइगु हाकु बन्जा व सामग्री थिके यानाः मीपिंत स्थलगत अनुगमन यायेगु व सरोकारवायात सःताः सहलह यायेगु जिम्मेवारी उपसमितियात बिउगु खँ समितिया सभापति विमलप्रसाद श्रीवास्तवं कनादीगु दु ।