अस्ट्रेलियां ग्वाहालि वल

एजेन्सी- अस्ट्रेलियां नेपालय् कोभिडि १९ विरुद्ध ल्वायेत अग्रपंक्तिइ ज्या यानाच्वंपिनि निंतिं माःगु अत्यावश्यक स्वास्थ्य सामग्री ग्वाहाली कथं छ्वयाहःगु दु । म्हिगः अष्ट्रेलियाया वायुसेनाया विमान थ्व सामग्री नेपाः थ्यंकहःगु खःसा म्हिगः हे नेपाःया निंतिं अष्ट्रेलियाया राजदूत फेलीसिटी वोल्कं नेपाली सेनाया बलाधिकृत रथी प्रभराम शर्मायात लःल्हानादीगु खः ।

स्वास्थ्य सामग्री लःल्हानादिसें अष्ट्रेलियाया राजदूत वोल्कं दक्षिण एशियाया मित्र देय्तय्त ग्वाहालि कथं अष्ट्रेलियां श्रीलां, भारत, व नेपाःयात स्वास्थ्य सामग्री ग्वाहालि कथं बिउगु खँ धयादिल । नेपाली सेनां अग्रपंक्तिइ च्वनाः कोभिड १९ विरुद्ध यानाच्वंगु ज्यायात सरहना यासें थप ग्वाहालि यायेगु ताः तयाः अस्पताल, आइसोलेसन व शव व्यवस्थापनय् छ्यलेत माःगु सामग्री ग्वाहालि कथं बिउगु खः ।
नेपाली सेनाया इनाप कथं वेस्टर्न अष्ट्«ेलिया सरकारं १८ लाख अस्ट्रेलियन डलर बराबरया स्वास्थ्य सामग्री ग्वाहालि कथं छ्वयाहःगु दु ।

थ्व ग्वाहालि अष्ट्रेलिया सरकारं वंगु मेगु २१ य् घोषणा याःगु ७० लाख डलर बराबरया ग्वाहालि बाहेकया थप ग्वाहालि जूगु खँ धाःगु दु ।

सम्बन्धित बुखँ

LEAVE YOUR COMMENTS