स्वंगूगु व प्यंगूगु लहरया लागिं तयारी

येँ – थौंकन्हय् कोरोना संक्रमणया ज्याः म्हो जुयाच्वंगु खने दुसा स्वंगूगु व प्यंगूगु लहरया खतरा धाःसा कायम हे जुयाच्वंगु खँ धाःगु दु । आः वइगु न्हूगु लहरं मस्तय्त लिच्वः लाकीगु जूगुलिं आः अस्पतालय् मस्तय्गु लागिं २० प्रतिशत बेड छुटे यायेत सरकारं निर्देशन बिउगु दु ।

कोरोनाया न्हापांगु व निगूगु लहरं बुराबुरि व ल्याय्म्हतय्त लिच्वः लाकूगु खःसा आः वइगु स्वंगूगु लहरं मस्तय्त लिच्वः लाकीगु खँ वयाच्वंगु दु । उकिं मस्तय्गु लागिं अक्सिजनया व्यवस्था मिले याना तयेत नं सरकारं फुक्कं अस्पतालतय्त इनाप याःगु दु ।

कोरोनाया निगूगु लहरं देय्या स्वास्थ्यस्थितियात अस्तव्यस्त याना बिउगु खःसां सकलें कुतःया कारणं स्थितियात काबुइ कायेत सफल जूगु खँ नं स्वास्थ्य तथा जनसंख्या मन्त्रालयं धाःगु दु ।

सम्बन्धित बुखँ

LEAVE YOUR COMMENTS