ज्यापु बहुउद्देश्यीयया ११ औं साधारण सभा

येँ –  ज्यापु बहुउद्देश्यीय सहकारी संस्थाया झिंछक्वःगु साधारण सभा वंगु पुस २७ गते स्वयम्भुइ च्वंगु प्राकृतिक विज्ञान संग्रहालयया क्यबय्् छगू ज्याझ्वःया यासें सम्पन्न जुल ।संस्थाया अध्यक्ष मंगल सिंहया सभापतित्वय् न्ह्यागु उगु ज्याझ्वलय् मूपाहां मखं ज्यापुत्वाः गुथिया गुरु पुष्प महर्जन झायादीगु खःसा पाहां कथं ज्यापु महागुथि नेपायाः वरिष्ठ उपाध्यक्ष नापं संस्थाया पुलांम्ह अध्यक्ष सन्तु महर्जन, डा. पंचनारायण महर्जन व सिद्धि गणेश बचत तथा ऋण सहकारीया प्रबन्धक राजेन्द्र दुमरु झायादीगु खः ।

संस्थाया दुजः पूर्णनारायण महर्जनं लसकुस यानाः न्ह्याःगु उगु ज्याझ्वलय् अध्यक्ष मंगल सिंहपाखें संस्थाया वार्षिक प्रतिवेदन, कोषाध्यक्ष तीर्थनारायण महर्जनपाखें आर्थिक प्रतिवेदन व लेखा समितिया संयोजक चौथिनारायण महर्जनपाखें संस्थाया भावी कार्य योजना व बजेत प्रतिवेदन न्ह्याब्वयेगु ज्या जूगु खःसा ज्याझ्वः संस्थाया सचिव रमेश महर्जनं न्ह्याकादीगु खः ।

 

सम्बन्धित बुखँ

LEAVE YOUR COMMENTS