रेशम चौधरीयात त्वःतेगु सहमति
येँ – सरकार व थारु कल्याणकारी सभा, थरुहट÷थारुवान संयुक्त संघर्ष समितिया दथुइ खुगू बुँदाया सहमति जूगु दु । सहमतिया कथं थरुहट÷थारुवान आन्दोलनया झ्वलय् टिकापुरय् जूगु घटनाय् द्वपं लानाच्वंपिं धनिराम चौधरी, रेशमलाल चौधरी व लक्ष्मण चौधरी लगायतपिंत तयातःगु मुद्दा लित कायेगु व उमित त्वःतेगु निंतिं संविधान व कानुन कथं पहल याइगु जूगु दु ।
उकथं हे सहमति पती सहिद जुयाः राहत काये मखंपिं छेँजःपिंत राहत उपलब्ध याकेगु, सहिद परिवारया उचित व्यवस्थापन यायेगु, घाःपाः जूपिनि वासः यायेगु, आन्दोलनया झ्वलय् थीथी थासय् जूगु धनजनया क्षतिया छानविन व मूल्यांकन यानाः क्षतिपूर्ति बीगु प्रक्रिया न्ह्याकेगु, मिसा व असहायपिंत दुव्र्यवहार याःपिंत कानुनी दायराय् हयेगु खँ नं न्ह्यथनातःगु दु ।
सहमतिपती सरकारपाखें वार्ता पुचःया प्रमुख लिसें कानुन न्याय तथा संसदीय मामिला मन्त्री लिलानाथ श्रेष्ठ, प्रधानमन्त्रीया परराष्ट्र मामिला सल्लाहकार राजन भट्टराई, भगवति चौधरी व थारु कल्याणकारी सभा, थरुहट÷थारुवान संयुक्त संघर्ष समितिपाखें रुक्मिणी चौधरी, प्रेमलाल चौधरी, पद्मनारायण चौधरी, प्रभास चौधरी व चन्द्रप्रसाद चौधरीपिसं हस्ताक्षर यानातःगु दु ।
LEAVE YOUR COMMENTS