टेकुया प्रहरी ज्याकु आः मीनभवनय्

येँ (नेपालभाषा टाइम्स) – येँया टेकुइ च्वंगु नेपाल प्रहरीया महानगरीय अपराध महाशाखा मीनभवन वानेश्वरय् सरे जूगु दु । आः टेकुं बिया वयाच्वंगु सेवा ३१ वडा मीनभवन वानेश्वरय् च्वंगु ज्याकुथिं बीगु खँ धाःगु दु । टेकुइ भवन दयेकेगु सुरु जुइवं थनया ज्याकू मीनभवन वानेश्वर सरे जूगु खः । थ्व महाशाखा न्हापा हनुमानध्वाखाय् च्वंगु ज्याकू सरे यानाः टेकुइ तयेहयातःगु खः ।