आनन्दकुटीइ ५० बेडया आइसोलेसन

येँ – येँ क्षेत्र नं. ८ या संघीय सांसद जीवनराम श्रेष्ठया पहलय् स्वयम्भुया आनन्दकुटी विद्यापिठ स्कलय् ५० बेडया आइसोलेसन तयार याःगु दु । स्कुलया ज्याख्यलय् मदुगु भवनय् थ्व आइसोलेसन तयार याःगु खः । सांसद श्रेष्ठं सरकारं डाक्टर नर्सया व्यवस्था यानाबिल धाःसा थ्व आइसोलेसन तुरुन्त संचालन यायेत तयारी अवस्थाय् दुगु खँ धयादीगु दु ।

थ्वहे झ्वलय् सांसद श्रेष्ठया हे पहलय् येँ क्षेत्र नं. ८ या थीथी थासय् निःशुल्क मास्क, साब्वं वितरण जूगु दु । कोरोना भाइरस बारे सचेतना न्यंकेगु ताः तयाः सांसद श्रेष्ठपाखें मास्क, साब्वंया लिसें कोरोना सम्बन्धी जानकारीबियातःगु पात्रो वितरण याःगु खः । चःमित, विजेश्वरी, मखं लागाय् शुक्रवाः मास्क वितरण याःगु खःसा थ्व ज्या निरन्तर न्ह्याइगु खँ वय्कलं धयादीगु दु । अथेहे वय्कलं छेँय् हे आइसोलेसनय् च्वनाच्वंपिं संक्रमिततय्त नापलानाः पौष्टिक नसाज्वलं नं वितरण यानादीगु दु ।

मास्क व सांब्व वितरण ज्याझ्वलय् येँ महानगरपालिका १५ वडाया अध्यक्ष ईश्वरमान डंगोल लिसें दुजःपिनि नं उपस्थिति दुगु खः ।

 

सम्बन्धित बुखँ

LEAVE YOUR COMMENTS