शिक्षकतय्सं राजनीति याये मदु

येँ (नेपालभाषा टाइम्स)- शिक्षकतय्सं राजनीति याये मदइगु नियमयात सरकारं थःपिनि नीति तथा कार्यक्रमय् हे समावेश यानाः पित हःगु दु । शिक्षा मन्त्री सुमना श्रेष्ठं ताः ई न्ह्यवंनिसें हे शिक्षकतय्सं छुं नं राजनीतिक दलया सदस्यता काये दइ मखु धया वयाच्वंगु खः ।

वय्कलं शिक्षकतय्सं छुं राजनीतिक दलया सदस्यता कया तयागु दुसा लित बियादिसँ धकाः इनाप यानादीगु खः । म्हिगः सार्वजनिक याःगु सरकारया नीति तथा कार्यक्रमया १५१ नम्बर बुँदाय् थ्व खँयात नीतिगत रुपं हे दुथ्याकाः पित हःगु खः ।

अथे हे रास्वपापाखें हे युवा तथा खेलकुद मन्त्री जुयादीम्ह विराजभक्त श्रेष्ठं नं स्काउटया सदस्यतय्सं राज–नीतिक दलया सदस्यता काये दइ मखु धकाः सुचं जारी याःगु दु । येँ मनपाय् मेयर बालेन साहं नं कर्मचारीं राजनीति याये मदु धयातःगु दु ।

सम्बन्धित बुखँ

LEAVE YOUR COMMENTS