शनिवाः झिक्वःगु नेवाः एकता दिवस

येँ – कंस पोहेलाथ्व ९ (पुस १९ गते) शनिवाः झिक्वःगु नेवाः एकता दिवस हनीगु जूगु दु । वकुन्हु सुथय् ११ बजे थनया भूगोल पार्कय् मुनाः छगू ¥याली पिकासें असनय् वनाः आमसभा यायेगु ग्वसाः दयेकूगु दु । ज्याझ्वलय् ब्वति कायेगु लागिं ग्वसाः सकलें नेवाः खलः पुचः व व्यक्तियात समेत इनाप याःगु दु ।

असनय् जुइगु सभाय् थीथी नेवाः न्ह्यलुवापिंसं सम्बोधन यानादी । थुगुसीया नेवाः एकता दिवस नेवाः देय् दबूया संयोजनय् नेवाः स्वायत्त राज्य मंकाः संघर्ष समितिया सकलें घटकतय्गु मंकाः ग्वसालय् जुइत्यंगु खः । नेवाः स्वायत्त राज्य मंकाः संघर्ष समिति आः सक्रिय मदुगुलिं उकी हे आवद्ध थीथी घटकतय्गु मंकाः ग्वसालय् थ्व दिवस हनेत्यंगु खः ।

थनिं झिदँ न्ह्यः येँया दशरथ रंगशालाय् नेवाः स्वायत्त राज्यया माग यासें लखौं नेवाःतय्सं प्रदर्शन याःगु ऐतिहासिक न्हियात लुमंकाः दँय्दसं वहे न्हि कुन्हु थ्व दिवस न्यायेका वयाच्वंगु खः । थ्व दिवस थीथी नेवाः नगरय् न्यायेकेगु याना वयाच्वंगु दु ।