उद्घोषण तालिम क्वचाल

यल – यल महानगरपालिका वडा नंं ५ या ग्वाहालिं पिनाकल ट्रेनिङ एकेदेमिया ग्वसालय् जूगु झिन्हुयंकंया उद्घोषण तालिम क्वचाल । वडा ५ या मिसा पुचःया पदाधिकारी व दुजःपिंत ज्याझ्वलय् न्ववायेगु व ज्याझ्वः दयेकेगु व संचालन यायेत अःपुकेगु ताः तयाः थ्व तालिम जूगु खः ।

सञ्चारकर्मी सुरजवीर वज्राचार्यं बिउगु उगु तालिमय् २५ म्हेसिनं ब् वति काःगु खः । एकेडेमिया नायः शरदराज न्यौपानेया सभापतित्वय् जूगु ज्याझ्वलय् न्ववानादिसें मू पाहाँ वडा नंं ५ या अध्यक्ष विकासमान श्रेष्ठं प्रशिक्षार्थीतय् न्वचु व कार्यक्रम संचालन शैली खनाः थः प्रभावित जूगु खँ धयादिल । सहभागीपिंत दसिपौ लःल्हानादिसें वय्कलं आः याकनं थुकिया एड्भान्स कोर्षया ग्वसाः ग्वयेगु प्रतिबद्धता नं प्वंकादीगु दु । तालिम संयोजक व वडा नं. ५ या मिसा सदस्य शोभा श्रेष्ठं तालिमं सकसियां न्ववायेगु दक्षता अप्वःगु दु धासें थव तालिम यायेमाःगु पाखे ध्यानाकर्षण यानादीगु खः ।

प्रशिक्षक वज्राचार्यं निरन्तर मेहनत यानाः हरेक गल्तीपाखें ज्ञान कयाः न्ह्याः वनेमाःगु खँ न्ह्यथँसें थःगु कर्म व समर्पण झिन्हुया तालिम अवधीइ जक सीमित मजुइगु प्रतिबद्धता प्वंकादिल । ज्याझ्वलय्

दक्षिणकाली महिला समूह, थसिखेल महिला समूह, सिद्धिविनायक महिला समूह, सुभारम्भ महिला समूह, महालक्ष्मी महिला समूह, संकल्प महिला समूह, कुमारीपाटी महिला समूहया पदाधिकारी व दुजःपिं सहभागी जूगु खः ।

सम्बन्धित बुखँ

LEAVE YOUR COMMENTS