शेख हसिनायात स्यायेगु कुतः याःपिं झिंप्यम्हेसित मृत्युदण्ड
एजेन्सी÷ बगंलादेशया प्रधानमन्त्री शेख हसिनायात स्यायेगु कुतः याःपिं झिंप्यम्ह इस्लामिक चरमपन्थी लडाकुतय्त मृत्युदण्ड न्यंकूगु दु । बंगलादेशया विशेष अदालतं थ्व फैसला न्यंकूगु खः । सजाय पःपिं झिंप्यम्ह चरमपन्थी लडाकु मध्ये गुम्ह जेलय् दुसा न्याम्ह फरार जुयाच्वंगु दु ।
प्रधानमन्त्री शेख हसिनां हःगु धर्मनिरपेक्षताया विरोधय् सन् २०००य् इस्लामिक चरमपन्थी लडाकुतय्सं बम आक्रमण यानाः प्रधानमन्त्री शेख हसिनायात स्यायेगु कुतः याःगु खः । प्रधानमन्त्री हसिना छगू कलेजय् भाषण बियाच्वंगु इलय् लडाकूतय्सं कलेजय् निगः बम तःगु खः, तर सुरक्षाकर्मीतय्सं बम लुइकेत ताःलाःगुलिं हसिना बचे जूगु खः ।
हसिना थौंकन्हय् प्यंगूगु कार्यकालय् प्रधानमन्त्री जुयाच्वनादीगु दु ।
LEAVE YOUR COMMENTS