सफू वार्ता : मनूया मनयात दुने थ्यंक थीफुगु रचना जितः यः

थौंकन्हय् छु सफू ब्वनाच्वनादिया ?
झिंगूंगु सदीया अन्त पाखे फ्रान्सय् प्रतीकवादया नामं छगू साहित्यीक आन्दोलन जुल । वहे आन्दोलनया प्यम्ह अभियन्तापिं शार्ल वादलेयर, स्टीवन मलार्मे, पाल वरलेन व जौ आर्थर रेम्बोया मंका कविता सपूm जिम्ह ईश्वरं जितः धाल धयागु हिन्दी भासं पिदनाच्वंगु कविता सपूm ब्वनाच्वना । लिसें राजवया सोटिट उपन्यास नं स्वयाच्वना ।

गज्याःगु सफू ब्वने यः ?
जीवनया रहस्ययात कुलातःगु, मनूतय् अन्तर्मनय दुनेथ्यंक थी पूmगु सपूmत ब्वनेयः । अथेहे सत्ताया निरंकुसता विरुद्ध विद्रोह व उके मुक्तिया अनन्त इच्छा दुगु सपूmत नं स्वयेयः ।

छाय् ब्वनेगु ?
ब्वनेगु बानि जुल । मब्वंसे च्वने मफुत । धाये ब्वनेगु अम्मल लगेजुल ।

आःतक ब्वनागु मध्ये दकलय् यःगु सफू ? छाय् ?
दकलय् यःगु थ्व हे धकाः क्वःछिइ तसकं थाकु । तर थःत छकः ब्वनेवं ताःई तक प्रभाव लाका च्वंगु सपूmत यक्व दु । गथे अल्वेयर कामु या प्लेग उपन्यासयात आ लुमंकेबलय् नं नुगःद्यः थर्रर खाः । अथेहे म्याक्सीमम गोर्किया मां उपन्यासया पात्रत मां व पावेल सदां हे लुमना च्वं । इलय ब्यलय् पंचतन्त्रया पात्रत आः नं सजिव जुया वः । मन्नु भण्डारीया उपन्यास महाभोज व भूषणप्रसाद श्रेष्ठजुं भाय्हिलादीगु बीनिभाः जापानी उपन्यास यक्व न्हापा हे ब्वनागु खःसां आः नं लुमनाच्वंगु सफूत खः ।

थौंकन्हय् पिहां वयाच्वंगु नेपालभाषाया सफूत गुलि तक ब्वनादिया ?
यक्व धयाथें सफूत स्वया । ब्वना । आः हे नं नकतिनि पिदंगु विमल प्रभा वज्राचार्य, दिब्या ताम्राकार, पूर्णाीमा शाक्य, मोक्षवहादुर अमात्यपिनि सफूत बछि बछि धयाथें ब्वने धुन ।

नेपालभाषाया दकलय् यःगु सफू छु खः व छाय् ?
झीगु भाषाया नं यःगु सफूत यक्व दु । दकले यःगु , थ्व हे खः धकाः धायेगु तसकं थाकुगु खँ जुल । विधागत रुपय् उत्कृष्ट सपूmत यक्व दु । व फुक्क झीगु गौरव खः । व फुक्क हे यः । थ्व इलयया निंत् िंधाःसा जिं महाकवि गिरिजाप्रसादया ल्वहंमा महाकाव्य व प्रतिसरा सायमिया प्रेशरकुकरया चिल्लाय सफूयात न्ह्यथनाच्वना ।

थौंकन्हय् पिदनाच्वंगु नेपालभाषाया सफू गुलि बांलाः बांमलाः, गथे तायेकादिया ?
जि समिक्षक मखु । समिक्षा याये मसः जि । मनूया मनयात दुने थ्यंक थीफुगु रचना जितः यः ।

सम्बन्धित बुखँ

LEAVE YOUR COMMENTS